Варшава, Полска – Од 1ви до 9ти август 2013, 120 врвни Европски студенти по технологија ќе се натпреваруваат на Европскиот БЕСТ Инженерски Натпревар (EBEC) Final организиран од Бордот на Европски Студенти по Технологија. Овај настан ќе ги соедини најновите технолошки/инженерски решенија од најкреативните млади умови во Европа.

EBEC Final е најграндиозниот дел од Инженерските Натпревари организирани од БЕСТ низ цела Европа, имајќи го петтото издание оваа година. Денес, Инженерските Натпревари се најпопуларните настани помеѓу младите инженери, нудејќи им ја можноста да ја изразат нивната креативност, да се натпреваруваат и да се справат со вистински проблеми во индустријата.

Оваа година, 120 иновативни студенти по инженерство беа избрани од повеќе од 5000 учесници преку две интензивни елиминациони рунди: 83 локални и 15 национални/регионални рунди. Најдобрите 30 тима со по 4 студенти докажаа дека се спремни за EBEC Final справувајќи се со инженерски предизвици од реалниот живот во две категории: Case Study (хипотетичко решение за проблеми од реалниот живот) и Team Design (практично решение со физички прототип).